Måge Gard ligg i Ullensvang, Hardanger - midt i vårt flottaste fruktdistrikt. De finn oss nede ved fjorden, like ved RV550 - 15km frå Odda mot Utne. På garden vår dyrkar me jordbær, moreller, plommer, epler og pærer. Store delar av frukta sel me fersk i gardsbutikken. Det er kjekt å kunne tilby kundane nyplukka frisk rein frukt av høg kvalitet. Me vidareforedlar moreller, plommer og pærer. Frukta vert lagt på glas etter gamal oppskrift, utan bruk av konserveringsmidlar. I tillegg til eigenproduserte varer, kan me tilby mat og drikke frå lokale og regionale småskalaprodusentar. Alt frå kjøt og fisk til heimebakst og meieriprodukt.
På Eldhusloftet i 2. etasje, kan de på bestilling nyta tradisjonsrike matopplevingar. I lokaler med sjel og særpreg tek me i mot grupper på 20-60 personar. Me legg vekt på lun atmosfære og personleg service.
